Müslüm Maqomayev

Müslüm Məhəmməd oğlu Maqomayev (17 avqust 1942, Bakı, Azərbaycan - 25 oktyabr 2008, Moskva, Rusiya) - Azərbaycanın görkəmli opera və estrada müğənnisi (bariton).

Hayatı

Məşhur Azərbaycan bəstəkarı Əbdülmüslüm Məhəmməd oğlu Maqomayevin nəvəsidir. 1963-cü ildə Azərbaycan Dövlət Opera və Balet Teatrının solisti olmuşdur. 1968-ci ildə Azərbaycan Dövlət Konservatoriyasını, Şəfiqə Məmmədovanın sinfini bitirmişdir. Təhsilini davam etdirmək məqsədilə İtaliyaya göndərilmişdir.
M.Maqomayev 1969-cu ildə Sopotta və Kann şəhərlərində keçirilən beynəlxalq mahnı müsabiqələrində Azərbaycanı təmsil edərək, 1-ci yerə və qızıl val mükafatına layiq görülmüşdür.
1975-ci ildə "Azərbaycan Dövlət Estrada-Simfonik Orkestri"nin bədii rəhbəri təyin edilmişdir. Bu orkestrlə Sovet İttifaqının bir sıra şəhərləri ilə yanaşı Fransa, Bolqarıstan, Polşa, Finlandiya, Kanada və İranda konsertlər vermişdir.
1971-ci ildə haqqında "Oxuyur Müslüm Maqomayev" adlı film-konsert çəkilmişdir. İllərlə dinləyicilərin sevgisini qorumağı bacarmış Müslüm Maqomayev SSRİ Qırmızı Əmək Bayrağı və Xalqlar Dostluğu ordenləri ilə təltif edilmişdir.

Kazandığı Ödüller:

• Azərbaycan SSR əməkdar artisti (1964)
• «Qırmızı Əmək Bayrağı» Ordeni (1971)
• Azərbaycan SSR xalq artisti (1971)
• SSRİ xalq artisti (1973)
• «Xalqlar Dostluğu» Ordeni (1980)
• «Şöhrət» Ordeni (1997)
• «İstiqlal» Ordeni (2002)